أختي العزيزه / أروى...

السلام عليكم ورحمة الله وبركاته...

\
\
\

كم هو جميل ما يبعثر لنا قلمــك ...

المميز المبدع الرئع بين الحقيقة ...

والوهم اتمني لك أجمل وأحلي الاوقات...

بصحبة ما هة الأ حلام جميل...

ولا عليكي اختي فأنا أقدر لكي عدم توجدك...

فأنتي مشغولة ولكن المهم أن تكوني بخير...

لك تحياتي ومودتي...

أخو .. أحمد .. حــوت فـلـســطـيـن

أحيانا أشكّ أن الحب ما هو إلا عملية اغتيال تدبـّرها أيادي خفيـّة .. انها كذلك ..

الى إدارة جيران (لقد ضقنا ذرعاً)

http://aymanraf.jeeran.com/ayman/archive/2007/8/290542.html
اتمنى اخي المدون اختي المدونة التضامن كي نصون هذا الموقع الذي احببناه من الخراب

مرحبا أروى .. سلامات عيوني .. و الله زمان

شو يا ست الحلوين إنت بتغيبي بتغيبي و بعدين بترجعي حزايني هيك .. و شوشو هانم بتقول القلب آخر معاقل البقاء.. شو مالنا قلبينها كلنا رومانسي هههههههه الحفلة ما ناقصها إلا الملكة منى لتكمل.. الله شكله هالصيف لفح عقولنا بحرارته.. و على ذكر العقول .. أنا من تجربتي المتواضعة بهالحياة (إحم إحم) اكتشفت إنه القلب و لا عمره بيكون آخر معقل للبقاء .. بجوز بيت الدرج إلي بتطلعي منه لترمي نفسك من فوق برج و إنت مش دارية.. القلعة إلي بتتحصن فيها كل أحزانك و آلامك و ذكرياتك المريرة .. أما آخر معقل للبقاء فهو بلا منازع عقل يدير حياتك بالمنطق.. ما في مانع يشارك القلب بشوية مشاعر .. لكن لحتى تبقي ما لازم تنجرحي و لحتى ما تنجرحي ما لازم تتركي لقلبك القرار لأنه طفل ما بيعرف مصحلته و لا مصلحتك ..

في العادة لما نكون واثقين من وجهة نظرنا تجاه أمور حياتنا بنقدر نمشي في الطريق إلي رسمناه.. لكن للأسف في هاي القصة بالذات عقلك بيقرر لكن القلب دائماً متمرد ما بيمشي عليه القرار..

تحياتي يا رومانسي يا جميل .. ديري بالك على حالك هيتك هالأيام سخنانة ههههههههههه

صحيح نسيت أقولك .. ملف الصوت بعد في مشكلة ما بيشتغل متل المقال إلي فات.. أنا بعتلك رسالة على مراسل جيران أشكيلك فيها.. وصلت و لا شكلها في دورية موقفها في الطريق ههههههههه

حبيبتي الغالية اشتياق ..

دائما هناك كلمات نثبتهاونؤكدها في العلن ..
وأخرى نمحوها لتبقى طي الكتمان ..

شجون خاصة ..أو كلمات خفيفة سريعة جالت في نفسي ..

أردت اليوم اثباتها ..آتية من باب الحلم او الوهم او الحقيقة ..او شدة الحمى :)

او حتى الخيال ..

لا يهم ..

(او حتى خناقة مع الزوج ..بس والله والله مو متخانقه معه حبيب قلبي ..)

أعذب كلمات في الحب بصدق هي الكلمات الموجوعة ..

هي كلمات القلب عندما ينام على الوسادة الفارغة ..

...........

هلأ دور الخناقة معك ..قرأته لموضوعك الجديد ..

رح آجي اعلق ان شاء الله ولو تعليق بسيط لأني ما بدي ادخل بمتاهة ..لأنه الي قاهرني عنجد ..

قال شخصية فلان ليست هجومية فقط دفاعية ..أيه يا حرام البسة بتاكل عشاه ..

امبارح لما قرات موضوعك عشر امثلة هجومية بحتة بدون مبرر تذكرتها بس خلي الواحد يسكت احسن ..

لا تزعلي برضوه هادا رأي ..بس امانة تضعي لي الربط للمقابلة خليني اتفرج ..

.............

سلام يا قمر :)

أحمد يا أحمد ..

هالمرة قلت بروح على مدونتك وبزورها أول ..بعدين برد عليك هون ..

شو الي عامله بالله عليك ..!!

بتمنى يا احمد انك تترك كتاباتك بحالها ..حرام عليك ..

وزي ما قلتلك هناك سافر وارجع ..

انا هيك عملت ..في لحظة ما بنحتاج تكتب تقول اي اشي ..

الله يوفقك يارب بحياتك ودراستك ..

الصديق العزيز جو ..

هو كذلك ..

ايادي تمتد اليك من كل زاوية من زوايا الزمن ..

تمزق كل القصائد ..ولا تعزف الا الألحان الحزينة ..

تأتيك عبر كل وسائل النقل ..فتهرب منها بقدميك بسرعة البرق ..

لتسقط في الفراغ .. من جديد ..

..........

بس أنت بأي وسيلة نقل جيت لهون ..

غريبة هالطلة :)

ان شا الله بترجع تتكرر :)

لك كل أدعية الخير الخالصة دائما وابدا وبشكل مكرر..

وحتقاسمك اختي بالأدعية جايها عريس ..

كنت بدي اجوزك ياها :) بس هي بدها واحد عيونه خضر ..

عيونك خضر اشي :)

راحت عليك ..

وخسرنا نسبك :)

سلام ..

الأخ الفاضل ايمن ..

قرأته لمقالك ان شاء الله برجع بعلق ..

صحيح في اشياء كتير بتقهر ..

بس انت معصب على الآخر :)

الله ييسر الأمور يا رب ..

سوسو يا سوسو ..

عزبتينا واحنا بنستنا بحضرة جنابك ..

يا احلى عقل انتِ ..عم بقول وين متخبية وين متخبية يا ربي ..

طلعتِ ببيت الدرج ههههههههه

هي اول ضحكة من زمن ..

بعدين ملاحظة مهمة وخطيرة انا ما قلت القلب آخر معقل للبقاء شوشو هانم الي قالت ..فقط للأمانة العلمية :)..

اعد قراءة النص :)يا أخينا

على كل حال يا قمر ..

هي كلمات عابرة تمر في القلب المرتفعه حرارته ..بحاول العقل تبريدها بالكمادات :) او اللكمات هههههههه


بالنسبة للملف الصوتي انا اصلا مش حاطه أغنية ..الأغنية الي كنت بدي احطها خاصة بموضوع تاني ..

هنا مع الحزن صمت مطبق :)

اذا فعلا عم بيعمل مشكلة هلأ بحذف الكود وبروح كل الملف الصوتي ..

والله كتر خير ك نبهتيني لرسائل جيران لأني ما بفتح هادا الأشي الا بالصدفه ..!!

جايتك ايتها الأيلولية ..

شو هالأيلوليين بظلموا لأيلول ..

سلام على الحلوين ..

سماهر مرة أخرى ..

حاولت اني احذف فعلا كود الريل بلير او الملف الصوتي مدقر الأخ مش راضي يعمل التعديل ..ان شاالله بحاول مرة تانية وان شا الله يزبط ..

سلام ..

و الله بعرف إن شوشو هي إلي قالت إنه القلب آخر المعاقل... و ما عندي مانع أقرأ ثاني و ثالث و رابع و عاشر لا يُمل.. بس وينك إنت كمان إقرأي تعليقي مرة واحدة بس كمان و أنا بوعدك إنك راح تلاقي طعمه اختلف و يمكن صار أطيب .. و كل مرة زيادة راح يختلف أكتر لحد ما نوصل إلى قمة قانون تناقص المنفعة الحدية و تبدأ الرغبة في القراءة بالتناقص ههههههههههه

بركاتك يا منى و ين العسل بدنا نغير هالمرار يا عمي ههههههههههه

وسررت بتواجدي بآخر معقل للإبداع الجميل
استمتعت بهاحقا وبطريقة كتابتها أيضا
سلام

رسالة من جيران

ألحق وأقرأ الخبر قبل الحذف

حبيبة قلبي سماهر ..

تعليقك على العين والراس ..قراته مرتين زيادة ..

والله جد هالصيف لفح العقول ..يالله شوية تغيير ..:)

سلام يا حبي ..

الأخ العزيز عمر أحمد الناصري ..

وانا ايضا سررت بوجودك جدا وإطرائك ..

اتمنى دائما ان تشعر بالراحة هنا ..

شكرا لك ولمودتك ..

أخي الصغير وحيد شاعر الرومانسية ..

كنت أقرا بمقالك الأخير ..

نعم نحن نريد ان لا يتكرر ما حدث في جيران سابقا ..

والتي كانت اسبابه واضحه لكل منصف ..

اتمنى ان نضغط على مشاعرنا قليلا لنتجاوز ..ان كان يحق لي ان أقول ذلك ..

ولكن ..

اذا كانت ادارة جيران كانت في شغل شاغل ولم تنتبه الى المقالات وما فيها ..وقد انتبهت الآن ..

فوجب علي ان انبهها لحرصها على سمعة المدونين وعدم التطاول عليهم بالشتم الى هذا الرابط القذر جدا ..ولا اعتذر اطلاقا عن الكلمة .. بل احاول ان اضبط اعصابي لكي لا اقول اكثر ..

فاذا كان سماحة القديس الإنسان المحترم بوب مهم جدا ..

فقداسة الله اعظم بالف درجة ..من ان يتناولها ..عر.........


http://mokhtaralsalem.jeeran.com/archive/2007/7/272764.html

شو يا جماعة حرام عليكم أزعجتوا القلب المسكين مش بيكفي سهره وحيرته وانتظاره ..

القلب هو سر الحياة وسر السعادة .. عقل شو يا سمور .. لا تطلعيني من عقلي حبيبتي ..

تعالي خدي من عندي شوية ليالي بس يكونوا خوالي واعطيني عقلك ساعة واحدة...

حبيبتي مادام القلب بالحبيب مسكون فهو منبع الأمل ..

وبالأمل وعلى الأمل يحيا الانسان ..

خط العمر مهما كان طويل يبقى خط الأمل اطول ..

العقل لا أنكره أنا أكيد .. لكن لا أحبذه في هذه الأمور .. بأعتبره مدمر ..

وليش نروح بعيد هاي عندك العقل المتجمد الشمالي بحاله شوفي شو قال على الحب .. تغتاله أيدي خفية بالنسبة لي هذه الأيدي هي العقل ..

سمور بعد الساعة اتنين ما في عقول سهرانة ..

ومن لايكترث لنداء الروح , وهمس الشوق ,وماء الخلود, لاتذهب بفطننتك الهواجس ياصغيره, فمن يحمل بين جنباته قلب نابض ,, لابد وان يكترث لحوراء تشغله هياما نهارا ,وتقتله غرام تحت استار الظلام,,

مع اطيب المنى

شو يا شوشو قطعتي قلبي على القلب المسكين... معك القلب هو سر الحياة وسر السعادة بس كمان هو سر الشقاء و الألم .. و حتى ما تظني إنا مختلفين آخر تعليقي كان: "في هاي القصة بالذات عقلك بيقرر لكن القلب دائماً متمرد ما بيمشي عليه القرار.."


الليالي الخوالي وصلوا و تواصلوا و علشان ما يموت القلب بحسرته لازم العقل يحرسه أحياناً .. عقلي للأسف ما إلي سلطة عليه.. هو رهينة بروح قوية ما بعرفها و ما بتعرفني لكنا شركاء سكن..

خط العمر و خط الأمل بيتوازوا لما بفتح عيوني و بينتهوا لما نجمي يضوي و يعلى " شوفتي شو مغرورة صاحبتك :) "

أنا أصلاً ما فيني روح بعيد يا عمري .. مكبلة بنفس السلاسل و ماشية على نفس الطريق.. الكلام إلي بيعنيه العقل المتجمد الشمالي قلما بيقوله .. و الأيادي الخفية "أحياناً أشك" أنها إرادة قدرية تحرك البشر و لا تحسب حسابها عقولهم المحدودة..

بعد الساعة اتنين يا اشتياق هذا سرنا سوا.. بس جربي في يوم في آخر الخريف تفتحي بعد الساعة اتنين شباك في غرفة عالية و تسبحي مع نجوم الليل في عمرك إلي راح.. سكري كل الحسابات العالقة.. و مع الفجر سكري الشباك و انزلي لأرض بيتك .. عيشي حياتك بتفاصيلها و مع تفاصيلها.. بس حقك علي أحذرك من برد راح يحس فيه قلبك و غربة راح تخنق روحك أول النهار بس .. و بعدين يا سلام شو حلو راح يكون العقل..

ما تآخذينا أروى هذا حوار في السياق يا عمري :)

حبيباتي الغاليات اروى وشوشو
يسعد اوقاتكم بكل خير
شو شايفاكم محتاجين شوية عسل مني والله بودي ابعث لكم كل اللي عندي بس ياريت يعجبكم فوق مرارته انا زدت المر عليه
زي ما تقولو الصيف لافحنا وحارق قلوبنا بس انا معك يا شوشو مئة بالمية ان العقل اخر معقل للبقاء لانه لو تركنا القلب يحكم بنفسه لخرب بيوتنا بدون العقل اللي يكبح القلب ويعبد الطريق بزفتة مرتبة مش بمطبات متعرجة........
عجبنكم مرارة العسل والله انا مزاجي نص كم اليوم بس ان سمح لي عقلي سانشر لكم بعض العسل القديم الحلو اللي كنت مخبياه لهيك يوم مرً وحزين
سلامات على قلب كل الحلوين وما بنسى ايضا اشتياق من الثلاثي النابض بقلب جيران

سلامتها الملكة ألف سلامة على قلبها ومزاجها العسل (المر) بكرة بيصفى ويروق ويحلو ولا يهمك مليكتنا ..

شفتي سمور الملكة شو قالت ..

أنا قلت لك العقل وبس .. ليش تخلي القلب يدخل بالموضوع ويبلش يغني عتابا وميجانا .. ههههههه

والله تلاتكم ألذ من بعض .. خلص سمور ما بينفع نحكي أكثر من هيك ..

يا جماعة ما في متل العقل هو المنارة بفنارها كمان ..

أما القلب إذا عدينا عليه آخر الليل بنسأله شو رايه بالموضوع ..

طيب يا جماعة حبيبة قلبنا أروى وينها .. لهلىء بتساوي لنا القهوة .. باينها قهوة عالقمر هاي أروى ..

بس ولو .. أنا بأحب قهوتك أروى ..

أخي الفاضل ..عابر ..

اليس الحب هو نداء الروح واستمرار هذه الحياة الجميلة ..

لا بد اذن من ان تكترث القلوب ..ليبقى هذا الوجود قائما ..

شكرا لكلماتك الجميلة ..ولوجودك الأجمل ..

دائما لك كل الأحترام خاصة بعد آخر رد لك علي والا كنت قتلتك :)

سلام ..

شوفو احكيلكم كلكم مع بعض ..

منى ..أشتياق ..سماهر ..

هو العقل يا سوسو لما يحرس القلب بصراحة بدبحه هههههههه فهوينا عمو ..

وانا ببصم مع اشتياق على القب يا قلبي ..

وقال شو بدها منى العقل يزفت الطريق بزفته مش مطبات ..بضلها زفته مزفته يا منى ههههههههه

انا لسه مع اشتياق والدليل آلولو لو
هههههههه

والقهوة جاهزة يا اشتياق ..
بس مش الك :) موجوده في الموضوع الجديد بس خلص بعملك الك كمان ..من عيوني ..

والله قهوة على القمر ..

وبعدين حلّو عن المتجمد ..والله شكله عايف التنكه ..

بالله مش احسن هيك غزل وحب بلا فلان وعلانتان في المدونات ..

بس والله والله اذا زوجي بعصب علي
غير قوله هاي سماهر جننتني اكتبي بالحب ..اكتبي بالحب هههههههه..
بس هي عامله حالها ام العقل ..ومنى من زمان دايرة وراي وبتنصحني ما احذف ولا عبارة هههههههههه

سلام ..

بس بالله تعوا كمان مرة ..بنغير الجو بجيران ..بالله في احلى منا ..أشك !!!

في البداية اهنئك على هذهالمدونه وانا سعيد ان ولجت الى هنا متصفح لها، وأمل لك المزيد من التفوق.

ويسرني ان اوجه لك هذه الدعوة لزيارة مدونتي والاطلاع على ما تحوية من مواضيع امل ان تروق لك.

"مواطن عربي شريف"

مساءك عبق ياسمين يأتيكِ بكل حين

جميل هذيان قلبك

اتمنى ان تتقبلي مرور جارتك الجديده

ودي و ورودي

http://moniah77.jeeran.com/archive/2007/8/294060.html

الأخ الفاضل oceans ..

أعذرني فلم انتبه لتعليقك الا متأخره ..

ولكنني سررت جدا بمرورك هنا ..

شكرا لكلماتك ..وان شاء الله آتي لزيارتك قريبا ..