جد حاسة حالي غبية هلأ شو دخل المعرفة الوطنية؟؟ إلا إذا كنت بتقصدي إنه بطلنا نفرق بين اليهودي والأخوة اليهود ههههههه

على العموم أنا من اليوم وطالع بدي أوقف مع العمر ضدك .. يعني نكون أنا والعمر عليك هههههههه العقل حلو كتير يا قلبي بس لازم يكون في متنفس .. ما تخنقي على حالك كتير.. اليسر هو الأصل ما دام لا يتعارض مع المبادئ الأساسية .. ولا شو رأيك ؟؟؟ فكرك بفهم بالهبل متل الي مو هبل ههههههه

المقال التالي مش فاهمة شي منه مش تواصل للغباء .. بس لأنه الكلام ظاهر عندي هيروغليفي.. لما يروق الكمبيوتر وأقدر أقرأ بنشوف شو قصة السيدة إلي أصلها حلم ؛)

هههههههههه

هههههههههه

والله ضحكتيني ..

بستهزأ بالحب حضرتنا شي بطقق القلب ..شو جاب سيرة اليهود في الموضوع ..

وبستهزأ بالنص كله وبقول في الآخر أنه هادا عبارة عن درس في المعرفة الوطنية ..خصوصي عشان ما جدا يفهم ههههه

وأنه هالعمر الي حضرتك واقفه معاه ضدي تعبني وهو عم بحلم .. طيب ما أنا طول عمري محترمه وست العاقلين وحاطه عقلي براسي وعارفه خلاصي وحاطه عقلي كمان بكتبي وببحث وبدرس وما بطلع بخلقة حدا ولا بهمني حدا .. ليش حضرة العمر دايما بروح يدور على الأصدقاء والحب وبتعلق فيهم .. لأنه أهبل ..بحب دايما يتسكع هون وهون .. ويمكن أنت كمان متله هههههه يعني هبول .. قال بتفهم بالهبل قال والله شكلكم أصدقاء كتير أنت وياه هههههههه يالله خليني أفش غلي فيك ..

بلا متنفس بلا بطيخ ..خليها خنقه
أحسن ..

أما السيدة حلم فبلاش تقرأي النص أحسن بلاش تنصدمي ببعض العبارات وتعمليلي قصة ههههههه بس هيك السيدة حلم طلع معها أنا شو خصني ..ههههههه

كتير أنبسطت أنك هون دايما طلي ..خلينا انشوفك ههههههه.. عنجد انبسطت من كل قلبي ..من الصبح وأنا معصبة ..وطول أمبارح وانا قاعده بردد " اللهم أنت السلام ومنك السلام واليك يعود السلام تباركت وتعاليت يا ذي الجلال والأكرام " لحتى روق شوي .. الله بعين ..

بألف سلامه ..

في وقت مضى علقت على مثل هذا المضمون و دعيني اعيد نفس التعليق حسب ذاكرتي

نعم أحبك
نعم تحبينني
و هل في ذلك عيب؟!
نعم أعشق الورود في يديك
نعم تعشقين الشوق في عيني
و هل هناك من سيغضب؟!
عند المساء
كل منا يتوسد حلمه
وحيداً
يحلم بآخر
أو بأخرى
لست أميرة أحلامي.........
و لا أنا فارسك الأبيض..........
و لكننا نحبنا!


أيمن

الله ..

يا ايمن .. تعليق جميل .. فيه أمل فيه تفاؤل ..

يعني دفشه لقدام ..هههههه

شكرا لك ..

أروى
الحقيقة اليوم أشعر بالغرور ....تعرفي ليش؟
لسببين إثنين
الأول كلماتك اللي بتشعلل هالبذرة المدفونة ...رغم أنها صادقة
الثاني أن هذا الإدراج فعلا إنطبق
على أحسست به إتجاهك فتطابق إدراجك مع صورتك المرسومة في ذهني ...طبعا صورتك النفسية ..بلاش النفسية ..الروحية
...وبعدين شو هالصديقات الحديديات
ياللي عندك ..كتبنت تعليق عند إحداهن
فأرسلت لي صفعات على هيئة تعليق
بس الحقيقة كانت صفعات حلوة

الأخ الفاضل عبد الله ..

اعجبني تعليقك جدا ..شكلك عامل دراسة على شخصيتي ..يالله مش مشكله هههههه ..هالمدونات فضحتنا هههههه

يارب أقدر ولو بكلمة اثير كل عواصف التمرد ضد الظلم يارب فعلا نشعل بكلماتنا نيران القهر الي فعلا ممكن ان تغير ولو انفسنا اولا وطريقة حياتنا وبعدين العالم ..

رجاحة عقلي فقدتها أكثر من مرة في اكثر من تجربة كانت النتائج مأساوية فلشو هالغلبة ههههه ..بدك درس في المعرفة الوطنية اشي ..ههههه

أما صديقاتي نعم حديديات ..بس برضوه في دواخلهم أرق النساء ..فعلق بحذر وما تسوقش فيها هههههه ما انتو معشر الرجال حتى صفعات النساء بتحبوها شو نعمل احنا عاد ..كل شي بتلاقوا منا حلو ..كارثة يا اخي كارثة هههههه